Puidemos aprender o nome de moitas das plantas que atopamos polo camiño, descubrir o lixo que estropeaba a paisaxe, merendar cos amigos nun contorno privilexiado e contemplar a beleza da nosa Ría dende o mirador da Pastora.
Recordamos o nome dos montes que nos rodean e puidemos velos ao lonxe: Castrove e Barbanza; das nosas illas (Toxa, Sálvora, Arousa), o río Umia, o val, a península do Grove ...
Con todo o que máis aprendemos foi a manternos ordenadamente durante o camiño, a respectar a natureza, a escoitar as indicacións do mestre con moita atención nun tempo moi curto ...
