Volcáns

O venres puxemos punto final a esta rolda de exposicións orais sobre os volcáns. Todos os volcáns presentados foron moi bonitos. O primeiro era pequeniño e moi colorista.

Os demais, máis grandes foron elaborados con materiais moi diversos e dous deles erupcionaron logo de mesturar bicarbonato e vinagre. Foi espectacular.

As exposicións orais foron mellorando e pouco a pouco os nervios inicias quedan atrás e vai medrando a seguridade e a confianza. Nas exposicións do venres o grupo Listos atreveuse apoiando a súa exposición coa proxección de vídeos para explicar a téctónica de placas e a orixe dos volcáns ou de imaxes e vídeos para explicar os catro tipos de volcáns. O equipo Chip Chop contounos unha lenda preciosa sobre os volváns. Noraboa a todos.